INFORMAZIUNS PER VISITADERS
ACCESS
L'OGNA ei accesssibla alla publicitad duront igl entir onn e da tuttas uras!
Admirei la pli gronda sculptura transibla dalla Svizra e siu exteriur ed entrei lu el spazi monumental ed aviert. Contemplei las grondas picturas muralas e las plasticas da Matias Spescha.
La sculptura ei contonschibla sur ina senda per pedunzs che meina sper la plazza da giug dils affons vi. L'entrada secatta ella part davos viers igl uaul d'ogna, dil qual la sculptura ha survegniu siu num.
SPAZI SPESCHA
Visitei avon ni suenter la viseta ell'OGNA era il SPAZI SPESCHA che sesanfla en ina distanza da circa 10 minutas a pei. En ina gronda halla dall'anteriura fabrica da ponn porscha l'exposiziun cun maletgs e plasticas ord il relasch da Matias Spescha in'ideala pusseivladad da s'occupar pli intesivamein cun sias ovras.
BROSCHURA D'INFORMAZIUN
Vus saveis cargar giu cheu la broschura d'informaziun davart la sculptura da Matias Spescha ni empustar ella cul formular da contact.
VIADI TIER LA SCULPTURA
Cun mieds publics / a pei: Naven dalla staziun RhB Trun viers ost sper la renomada caplutta da s. Onna ora, lu dretg sur la lingia da viafier en direcziun dil campadi e suenter il flum puspei a
dretg.
Cun auto: neu da Cuera tochen all'entrada dil vitg, tiel muossavia Campadi / Ogna seniester e sur ils binaris dalla Viafier retica, silsuenter a dretg. Pusseivladads da parcar sper la plazza da
giug d'affons ni spel campadi.
GUIDS
Sin preannunzia organisein nus per Vus ina guida. Vus intervegnis detagls interessants davart l'idea ed il svilup da quell'ovra d'art, mo era sur dalla veta e l'ovra da Matias Spescha.
Guids el SPAZI SPESCHA ca. 1 ura CHF 120
Guid cumbinau SPAZI SPESCHA ed OGNA max. 2 uras CHF 120 plus entradas
TRUN CULTURA, Via Sum il Vitg 2, 7166 Trun, E-Mail.
TRUN EL COR DALLA SURSELVA
Entdecken Sie das erstaunlich vielfältige kulturelle Angebot im Herzen der Surselva!
SENDA D'ART SPEL REIN
Buca lunsch naven dalla sculptura OGNA passa la Senda d'art per liung dil Rein, ina senda cun ovras d'artists naziunals ed internaziunals. Era Matias Specha ei cheu representaus cun duas plasticas. > tier la Senda d'art Trun
MUSEUM CUORT LIGIA GRISCHA TRUN
El Museum Cuort Ligia Grischa a Trun ei ina stanza dedicada all'ovra da Matias Spescha, in'autra a siu mentur e medemamein enconuschent artist da Trun, Alois Carigiet. > Museum Cuort Ligia Grischa
GASTRONOMIA A TRUN E CAMPADI OGNA
Cumbinei Vossa viseta cun ina dimora culturala e culinarica a Trun, igl encarden cultural dil Grischun!