MANTENIMENT
BAUNS DA BETUN
Adina puspei exprimevan visitaders dalla sculptura il giavisch da saver seser ed aschia prender peda da guder quei liug. Ina fautura nunnumnada ei sepurschida da finanziar ina tala pusseivladad.
Aschia havein nus schau construir dus bauns da betun che secumportan el stil e material als mirs dalla sculptura e schau plazzar tals el decuors dil zercladur. Nus engraziein alla sponsura e
giavischein a visitaders muments delectonts da recreaziun.
Ils bauns vegnan cun ina crana alzai sur la sculptura ora e plazzai tenor indicaziuns precisas da Fis Guldimann.
COLURADA NOVA / CUVRIDA
Il zercladur 2019 ein las picturas muralas vegnidas refrestgentadas.Ellas havevan pitiu bravamein dapi l'avertura igl onn 2013 dall'aura ed era dalla flusiun dil mir en betun. Uss san ins puspei admirar ellas en lur antrura tarlischur.
PETGA D'INFORMAZIUN
Agl ur dalla via sesanfla dapi igl atun 2018 ina petga cun informazius nizeivlas davart la sculptura.
ELECTRIFICAZIUN
Egl intern dalla sculptura han adina puspei liug concerts ed events. Quei corrispunda all'intenziun da Matias Spescha. Pli e pli semussava denton la necessitad d'ina colligiaziun electrica.
Dapi igl atun 2017 dispona la sculptura d'ina fixa e nunveseivla colligiaziun electrica.
Il cussegl da fundaziun engrazia als donaturs e sponsurs: Beer SA Rabius, Electro Cadi, Ernst Göhner Stiftung, Fondazione Dr. Martin Othmar Winterhalter, Gemeinde Geroldswil, Raiffeisen Cadi, Repower, Trun Turissem, Promedica Stiftung.