SCULPTURA TRANSIBLA DA MATIAS SPESCHA A TRUN

 

AVIERT PER TUTS

 

Igl enconuschent artist Matias Spescha relai cun OGNA in'ovra unica ed attractiva cun gronda radiaziun. Tenor siu giavisch eis ella accessibla alla publicitad da tut il temps e duront igl entir onn ora.

 

La vischnaunca da Trun – liug da sia naschientscha – ei s'engaschada per la realisaziun dalla scultpura ed ha mess a disposiziun il terren. Numerus promoturs ein segidai finanzialmein da realisar l'ovra ch'ei vegnida inaugurada il matg 2013.

Vus essas cordialmein envidai da visitar l'OGNA. La pli gronda sculptura transibla en Svizra schai enamiez ils cuolms grischuns e fuorma cun els ina unitad nunusitada, solemna ed admirabla.

 

CITAT PARTENENT OGNA 

 

«La culminaziun digl art ei contonschida, sche mia ovra surviva leu, nua che jeu vivevel inagada.»

 

Mathias Spescha en in discuors 2006

 

Matias Spescha a caschun dalla presentaziun da siu model OGNA - 2007
Matias Spescha a caschun dalla presentaziun da siu model OGNA 2007

OVRA MONUMENTALA

 

L'ovra monumentala ei impressiunonta: La construcziun aviarta viers tschiel mesira 48 m ella lunghezia, 30 m ella ladezia e 5.5 m ell'altezza. Las preits da betun d'ina fermezzia da 30 cm, colligiadas ina cun l'autra, schaian sin fundaments da bindel.  


Il spazi intern, suleraus cun in sempel terren marnus, ei accessibels neu dil sid atras in'avertura da preit.

Las preits egl intern dalla sculptura ein ornai cun maletgs digl artist che cuvieran grondas parts dalla surfatscha, gest sco quei ch'el haveva previu en siu model. En paucs loghens da quei spazi ein plasticas digl artist plazzadas.