MATIAS SPESCHA
CUORTA BIOGRAFIA
1925
naschius ils 17 da zercladur a Trun
1941-1951
emprendissadi da cusunz, lavura en fabrica da ponn a Trun
1951-1955
malegia placats pil kino Corso a Turitg
1955-1958
dimora a Paris, Académie de la Grande Chaumière
dapi 1958
viva e lavura a Bages (Departement Aude, el sid dalla Frontscha). Pendulescha dapi lu denter Bages e Turitg, sia secunda dimora
2008
morts, ils 28 da zercladur a Turitg
IGL ARTIST ED OGNA
«En ina serraria a Winterthur engartel jeu 1996 in bischel da fier, che jeu hai saviu acquistar. Tenor miu giavisch vegn il bischel taglius empermiez e danovamein lutiaus ensemen, denton spustau.
Aschia ei l'idea d'ina nova plastica naschida. Quella fuorma ei stada a mi presenta duront onns ed il giavisch da scaffir ordlunder ina plastica transibla da betun ei semanifestaus pli e
pli.
Che mia vischnaunca burgheisa Trun demuossa interess da schar baghegiar quell'ovra sin siu inteschess legra mei zun fetg. Igl ei ina honur d'astgar relaschar in'ovra ch'ei accessibla per tuts da
tut temps.»
Matias Spescha, 2007
EXPOSIZIUNS
Da 1956 tochen oz ein e vegnan ovras da Matias Spescha adina puspei exponidas, seigi en fuorma d'exposiziuns singulas ni ensemen cun auters artists. El museum Cuort Lgia Grischa a Trun ei ina stanza dedicada a siu art. > survesta exposiziuns
OVRAS PUBLICAS
Numerusas ovras publicas dattan perdetga dalla creaziun artistica da Matias Spescha. Era enteifer la vischnaunca da Trun san ins contemplar ovras digl artist. > Selecziun da sias ovras publicas
PUBLICAZIUNS & FILMS
Ovras, svilup e projects digl artist vegnan presentai en differents catalogs d'exposiziun, en biografias e monografias. > tuttas publicaziuns e films