10 ONNS OGNA – RESTAURAZIUN 2023
RESTAURAZIUN DALLA SCULPTURA A CASCHUN DIL GIUBILEUM DA 10 ONNS, STAD 2023
La restauraziun ei calculada cun CHF 50'000. Instituziuns ufficialas, fundaziuns e sponsurs vegnan dumandai per sustegn finanzial. Ulteriuras donaziuns privatas ein medemamein beinvegnidas. Engraziel!
DONAZIUN ELECTRONICA
DONAZIUN VIA BANCA
en favur dalla Fundaziun OGNA, Trun
tier la Banca Cantunala Grischuna, Glion
IBAN CH40 0077 4010 4608 4630 0
INFLUENZA DALL'AURA
Dapi l'avertura il matg 2013 ei la sculptura el liber exponida a tuttas influenzas dall'aura, dalla temperatura e dallas stagiuns. Quei lai anavos fastitgs che semuossan pli e pli ils davos onns. Bein vesiblas ein las sdremas verticalas alla surfatscha dadens e dado che scadan en consequenza dalla plievgia.
Muort la humiditad sesviluppescha consequentamein ina cozza da puorla e da mescal. Ei setracta d'in fenomen ch'ei bein enconuschents tier construcziuns da betun.
DONNS VID IL BETUN
Pli problematic ein denton las finas sfessas ch'ins sa observar dapi enzacons onns vid la fatschada dalla sculptura aschibein endadens sco ordadora. Gia igl onn 2018 han experts fatg attent alla
formaziun da quellas finas sfessas. Aschia "flurescha" il betun veseivlamein e quei specialmein egl intern dalla sculptura.
RESTAURAZIUN
Suenter in'examinaziun detagliada cun firmas spezialisadas previn nus in tractament en treis etappas.
1. Schubergiada dall'entira surfatscha cun pressiun aulta
2. In profund tractament idrofob freina l'infiltraziun dall'aua ellas finas sfessas.
3. Ina lasura transparenta schurmegia cunter aua ed ieli.