AVIERT VIERS TSCHIEL - SAULT E MUSICA  30/31 DA FENADUR 2021

 

Venderdis, 30 da fenadur, 20 uras

Sonda, 31 da fenadur, 20 uras

 

AVIERT VIERS TSCHIEL

 

Estelle Costanzo, harpa

Valentina Strucelj, clarinetta

Emanuele Prias & Hillel Perlman, sault

Matteo Marziano Graziano, coreografia

 

"Cura che jeu entrel ell'OGNA hai jeu adina in sentiment da sturnezi e vegnel tschaffada dalla dimensiun dalla sculptura. Mi'egliada serenta buca vid las preits cun ses gronds maletgs, mobein cuntinua ensiviars sur las aultas preits viers las tschemas dils cuolms, viers tschiel e nibels", di la harpinista Estelle Costanzo.

 

Quell'atmosfera vulan las musicistas ed ils saltunzs tschaffar cun lur performanza «Aviert viers tschiel» Ellas scaffeschan nibels da tuns che reflecteschan tut quei che capeta el tschiel e laian resunar els ella sculptura. Ellas s'orienteschan allas cumposiziuns inspiradas entras ils nibels: ord igl «ambient» contemporan sco era ord la musica tradiziunala ed igl art figurativ. La performanza perscrutescha ensemen cun la musica ed il sault l'unitad poetica denter ovra e natira.

 

Nus havein plascher da Vossa viseta!

 

Estelle Costanzo (Foto Eva Flury)
Estelle Costanzo (Foto Eva Flury)

PREVENDITA

 

Reservei gia uss Vies ticket ella prevendita. Muort las perscripziuns da Corona ein ils plazs limitai.

Hillel Perlmann, sault
Hillel Perlmann, sault

 

GUID TRAS OGNA

 

Avon las presentaziuns porscha Fis Guldimann, bien amitg ed enconuschider digl artist, mintgamai allas 18.30 uras in guid ed explichescha sculptura ed ovra da Matias Spescha. Per plascher s'annunziar!

 

PARTENARIS + PROMOTURS

 

Trun Turissem

Vischnaunca Trun

Promoziun da cultura, Grischun

Fondation Nestlé pour l'Art

Repower

etc..

 

OGNA - IN FENOMEN ACUSTIC

 

L'OGNA da Matias Spescha ei buca mo ina tribuna fascinonta sut tschiel aviert mobein era in truc da resonanza da tempra speciala per artists, musicists e chors.

 

La fuorma unica digl interiur cun 48 m lunghezia, 30 m ladezia e 5.5 m altezia creescha ina atmosfera ed acustica extraordinaria. 

 

La Fundaziun OGNA selegra da beneventar numerusas visitadras e numerus visitaders a caschun da concerts ed events en quei spazi tut aparti.

 

VIADI TIER LA SCULPTURA

 

Cun mieds publics / a pei: Naven dalla staziun RhB Trun viers ost sper la renomada caplutta da s. Onna ora, lu dretg sur la lingia da viafier en direcziun dil campadi e suenter il flum puspei a dretg. 

Cun auto: neu da Cuera tochen all'entrada dil vitg, tiel muossavia Campadi / Ogna seniester e sur ils binaris dalla Viafier retica, silsuenter a dretg. Pusseivladads da parcar sper la plazza da giug d'affons ni spel campadi.

 

ANNUNZIA PIL NEWSLETTER

 

Nus informein Vus regularmein davart ils novs events. Abonnei il newsletter per tuttas informaziuns actualas.